GELDUM sive GILDUM

GELDUM, sive GILDUM

vox Saxonica, solutio, praestatio, vectigal, tributum. Item mulcta Iudiciaria, compensatio delicti et pretium rei. Capitulare 3. An. Quicquid involavit, novem geldos componere faciat etc. Unde Wergeldum, quasi valor seu pretium viri; Orfgild, pecoris pretium; Angild, simplex rei valor, Twigild, duplex, Trigild, triplex etc. Suntque voces complures, quibus in fine additum geldum species quasdam pensitationum designat: v. g. Danegeldum, Hornegeldum, Penigeldum, et aliae id genus. In Anglia Geldum Regis, tributum dicebatur seu vectigal, quod exsolvebatur Regi; an idem cum Danegeldo, de quo supra? Vide C. du Fresne Gloss.